Nazister i nord
Nok ein gong er nazistane i Nordfront framme i media, denne gongen i Altaposten. Reaksjonane kjem etter at dei har hatt ein serie artiklar på si nettside om eit planlagt asylmottak i Bossekopp i Finnmark. Her går dei laus på fylkesmannen i fylket og skriv: “En foræder som han fortjener og dingle”.
Desse groteske utsagna frå nazistane er ikkje overraskande. Dei føyer seg
inn i ei lang rekke som vi har sett tidlegare. Den nazikontollerte gruppa “Borgervernet Rogaland” la til dels grove utsagn frå sine medlemar etter brannen på asylmottaket i Sandnes tidlegare
i sommar. Et knippe kommentarar henta frå deira Facebookside:
“Dumt at dei ikkje brant inne” og
“Skulle vel lage middag og gjekk tom for ved”.
Dette kan ikkje kallast for ytring, det er rasisme og framandhat som må
bekjempast med det rette verktøy. Difor er det feil vei og gå når ein inviterer nazistar inn i varmen og gjev dei klapp på skuldra og ei talarstol. Dette har vi sett i Stavanger og no sist i Oslo og Bergen.
Stavanger: Her blei talsperson og nazisten Øystein Vaule invitert til
eit ope møte om ytringsfridom i Kulturhuset Sølvberget, 26 mars.
Bergen: Studentersamfunnet arrangerte 29 oktober eit møte som tiltrakk
nazister og rasister. Her deltok redaktør for Document.no som ekspert på
det norske samfunnet. Document.no er mest kjent for å ha gitt spalteplass til Anders Behring Breivik.
Oslo: Her var det møte på Deichmanske Bibliotek med Document.no, 24
oktober. Her holdt Lars Vilks foredrag om den svenske kunstnaren Dan
Park, som er dømt til 6 månaders fengsel for rasistiske ytringar.
Vi i Nye SOS Rasisme går inn for forbod mot nazistisk organisering:
Denne organiseringa betyr vold og kriminalitet, ikkje meiningsbrytning.
Mest utsatt for trakassering er innvandrarar, homofile, lesbiske,
fagforeinigsfolk og antirasistar.
Å bruke ytringsfridomen som forsvar for naziorganisering er meinigslaust,
når denne fridomen blir brukt til å hetse og trakassere andre.
Eit lovforbod vil ikkje gjere at desse organisasjonane forsvinn, men gjere
det lettare å hindre eventar og arrangement som kan vere ei
rekrutteringskjelde for nynazistane.
Inntil vi har eit slikt lovforbod må vi jobbe på alle plan for at det
lovverket vi har idag skal bli brukt, mellom anna paragraf 135a. Denne
paragrafen forbyr rasistiske ytringar.
Det vi ser no er kriminell verksemd og nazistane må stoppast før fleire
liv går tapt.