Strutsen Tor Bach
Tor Bach, redaktør i “Vepsen”, står fram i eit intervju i Aftenposten. Der hevdar han at nynazismen i Norge ligg for døden og er ufarleg.
Det er synd at Tor Bach ignorerer dette miljøet. Eit av argumenta hans er
at det norske miljøet må til Sverige for å finne åndsfrendar, og at dei
ikkje har vore på gata sidan 2000.
Snevert sett er dette korrekt. For 15 -20 år sidan var gata den plassen
man måtte gå for å møte og rekruttere folk. Idag er den tradisjonelle
asfalten skifta med andre arenaer, sosiale media, internettfora og
nettsider. Og at aktiviteten her har gått ned tvilar eg på.
Tor Bach hoppar bukk over dei organisasjonane som ber bensin til dei
nazistiske båla. Ein kan nemne eit knippe, SIAN, NDL, Demokratane og
Document.no.
Alle desse er både titt og ofte i felten med sitt brune budskap.
I Rogaland klarte nazistane i NORDFRONT å stable på beina “Borgervernet
Rogaland” med fleire hundre sympatisørar på Facebook.
Og talspersonen, ein open nazist, blei invitert til ope møte om
ytringsfridom på kulturhuset Sølvberget i Stavanger.
At ein nazist blir teken så inn i varmen har vel ikkje skjedd sidan 2.
verdskrig. Då kan vi vel ikkje avfeie dei med at dei berre driv fyllerør
og intrigar.
Så til at nynazistane drar til Sverige for å finne meiningsfellar. Dette
er ikkje noko nytt på 2000 talet. Nazistane, som kallar seg nasjonalistar
er vel i bunn og grunn ofte så lite nasjonalistar som det går an å bli.
Dei har alltid vore avhengig av koordinasjon og samspel med likesinna i
andre land Slik har det vore sidan 1950 – talet og det veit Tor Bach.
Både Eirik Blucher og Tor Hadland gjorde ihuga forsøk på å bygge ein
nordisk organisasjon på 1960 og 1970 – talet. Nordiska Rikspartiet var
ideen og den store leiar då som nå, ein svenske. Gjøran Assar Oredsson
hadde stor autoritet i den brune gjørma i heile Norden i mange år.
Det verkar som Tor Bach har tenkt dei tankane han har tenkt og tenke. Låst
litt fast i gamle forestillingar i måten og tenke på så bagateliserer han
eit livsfarleg miljø.
Han nemner ikkje at dette miljøet har stått bak det som har vore av
terroraksjonar i Norge etter 2 verdskrig og at dei har skapt Norges verste
massemordar.
Det er fortsatt viktig å sette søkelys på desse miljø på alle arenaer dei
opererer, og gjere det ubehageleg å vere nazist. Samtidig jobbe aktivt for
lovforbod mot nazistisk organisering.
Vi treng mange allierte og gode hjelparar i dette arbeidet. Tor Bach er
nok ikkje ein av dei.